ஸ்ரீராமகிருஷ்ணரின் விரிவான வாழ்க்கை வரலாறு
பாகம்-45
குருதேவர் கூறினார், எந்த சாதனையிலும் வெற்றி பெற எனக்கு மூன்று நாட்களுக்கு மேல் ஆனதில்லை. ஒரு சாதனையில் ஈடுபட்டு கொழுந்து விட்டெரியும் ஏக்கத்துடன் அந்த சாதனையில் வெற்றி பெற வேண்டி அன்னையிடம் பிராத்தித்தால் மூன்று நாட்களுக்குள் இலக்கை எட்டி விடுவேன், பொது துணையின்றி மிக்குறுகிய காலத்தில் வீர நிலை சாதனைகளில் குருதேவர் வெற்றி கண்டதிலிருந்து வீர நிலை சாதனைகளுக்குப் பெண்துணையோ , மற்றும் பஞ்ச மகாரங்களோ இன்றியமையாதவை அல்ல என்பது தெளிவாகிறது.
சபல புத்தியால் சுயக்கட்டுப்பாட்டை இழந்த சாதகர்கள் மட்டுமே பெண் துணையுடன் சாதனை புரிகிறார்கள். தொடர்ந்து விடாமுயற்சியுடன் சாதனைபுரிந்தால் அவர்களும் திவ்ய நிலையை அடைய முடியும், என்று தந்திரங்கள் கூறுகின்றன. தந்திர சாஸ்திரங்களின் கருணைத் திறத்தையே இந்தச்சலுகை எடுத்துக்காட்டுகிறது.
புலனின்பப்பொருட்கள் மனிதனைக் கவர்ந்திழுத்து மீண்டும் மீண்டும் அவனைப் பிறவிச் சுழலில் பிணைக்கின்றன.இறைக்காட்சியோ ஆத்ம ஞானமோ அடைய இயலாதவாறு அவனைத்தடுத்தும் விடுகின்றன. மனக்கட்டுப்பாடு , விடாமுயற்சி, தொடர்ந்த பயிற்சி ஆகியவற்றின் மூலம் இவையும் இறைவனின் வடிவங்கள் என்பதை சாதகனுக்கு உணர்த்துவதே தாந்திரிக சாதனைகளின் நோக்கம்.சுயக்கட்டுபாடு எல்லா வற்றிலும் இறைவனைக்காணல் போன்ற பண்புகளில் சாதகர் களிடையே காணப்படுகின்ற வேறுபாட்டைக்கருத்தில் கொண்டு தான் தந்திர சாஸ்திரங்கள் பசுநிலை, வீர நிலை , திவ்ய நிலை என்று படிப்படியான மூன்று நிலை சாதனைகளை வகுத்துள்ளன. இந்த நிலைகள் அனைத்திற்கும் அடிப்படை சுயக்கட்டுபாடு என்பதையும், புலக்கட்டுப்பாட்டின் மூலம் மட்டுமே தாந்திரிக சாதகர்கள் தங்கள் முயற்சியில் பலன்களை அடையமுடியும். என்பதையும் நாளடைவில் மக்கள் மறந்து விட்டனர். இதனைச்சரியாகப் புரிந்து கொள்ளாதவர்கள் சாதகர்களின் தவறுகளைத் தாந்திரிக சாதனைகளின் பேரில் சுமத்தி,, தந்திர சாஸ்திரங்களையே குறைகூறினர்.
அனைத்துப் பெண்களையும் அன்னையென பாவித்து இந்த சாதனைகளில் குருதேவர் அடைந்த வெற்றி உண்மையான சாதகர்களுக்கும், ஏன் தாந்திரிக சாஸ்திரங்களுக்கும் ஒரு புதிய ஒளியைக் காட்டியுள்ளது. சாதகர்களின் வெற்றிக்கு அது சிறந்த வழிகாட்டியாகிறது.
தந்திர சாஸ்திரங்களின் உண்மைப்புகழையும் சரியான பொருளையும் மீண்டும் வெளிக்கொணரவும் வழிவகுத்தது.
தந்திர சாஸ்திரங்கள் கூறுகின்ற பலவிதமான ரகசிய சாதனைகளை குருதேவர் இரண்டு மூன்று ஆண்டுகள் செய்திருந்தும், அவற்றைப்பற்றிய விவரங்களை அவர் எங்களுள் யாரிடமும் முழுமையாகச் சொன்னதில்லை. சாதனைஆர்வத்தைத் தூண்டுவதற்காக அவ்வப்போது சில விவரங்களைச் சிலரிடம் கூறியிருக்கிறார்.
தகுந்த ஒரு சிலருக்கு அவரவர் தேவைக்கேற்ப சில சாதனை முறைகளைக் கற்பிக்கவும் செய்தார்.
குருதேவரை நாடி பல்வேறு இயல்புடைய பக்தர்கள் வந்தனர். அவர் தாந்திரிக சாதனைகளைச்செய்து அபூர்வ அனுபவங்களைப்பெற்றிருக்காவிட்டால், அவர்களின் வெவ்வேறு மனநிலைகளை அறிந்து, அவற்றிற்கு ஏற்ப அவர்களுக்கு வழிகாட்டியிருக்க முடியாது.
இதற்காகத் தான் அன்னை பராசக்தி அவரைத் தாந்திரிக சாதனைகள் மேற்கொள்ளச் செய்திருக்கவேண்டும். தம்மைச்சரணடைந்த பக்தர்களுக்கு குருதேவர் எவ்வாறு பல்வேறு சாதனை முறைகளில் வழிகாட்டினார். என்பதை வேறொரு பகுதியில் குறிப்பிட்டுள்ளோம் .அந்தப்பகுதியைப் படிக்கும் போது இதனைத் தெளிவாகப்புரிந்து கொள்ள முடியும்..
தாந்திரிக சாதனைகளின் போது தமது இயல்பு முன்பு இருந்ததிலிருந்து முற்றிலும் மாறுபட்டதாக இருந்தது.என்று குருதேவர் கூறினார்.
மேலே குறிப்பிட்ட வற்றைத் தவிர இந்த சாதனைகளின் போது கிடைத்த பல காட்சிகளைப் பற்றியும் பல்வேறு அனுபவங்களைப் பற்றியும் அவ்வப்போது எங்களிடம் அவர் கூறியிருக்கிறார்.
அவற்றுள் சிலவற்றை இங்கு கூறுகிறோம். அன்னை சிலவேளைகளில் நரிபோல் உருவம் கொள்கிறான். பைரவரின் வாகனம் நாய் என்று கேள்விப்பட்ட அவர், அந்த விலங்குகள் உண்டபின் எஞ்சிய உணவைப் பிரசாதமாகக்கருதி துளிகூடத் தயக்கமின்றி உண்டார்.
உடல், உள்ளம், வாழ்க்கை அனைத்தையும் அன்னையின் தாமரைத் திருவடிகளில் முற்றிலுமாகச் சமர்பித்தபோது உள்ளும் புறமும் ஞானத்தீ கொழுந்து விட்டெரிந்ததைக் கண்டார்.
அவரது குண்டலினி சக்தி விழித்தெழுந்து சிரசை நோக்கிச் சென்றது.
மூலாதாரம் முதல் சஹஸ்ராரம் வரையிலுள்ள அனைத்து ஆதாரங்களிலும் கவிழ்ந்து கிடந்த தாமரைகள் அப்போது நிமிர்ந்து மலர்ந்தன.
ஒவ்வோர் ஆதாரத்திலும் அற்புதமான அனுபவங்கள் பல ஏற்பட்டன. தெய்வீகப்பேரொளியுடன் கூடிய ஒருவர் சுழுமுனை நாடியின் வழியாகச் சென்று, கவிழ்ந்து கிடந்த தாமரை மலர்களைத் தம் நாவினால் தொட்டார். உடனே அவை நிமிர்ந்து மலர்ந்தன.
சுவாமி விவேகானந்தர் ஒரு சமயம் தியானம் செய்ய அமர்ந்திருந்த போது, முக்கோணவடிவப் பேரொளி ஒன்று தோன்றிப் பிரகாசிப்பதைக் கண்டார். அது உயிருணர்வுள்ளதாக அவருக்குத்தோன்றிற்று.ஒரு நாள் அவர் தட்சிணேசுவரத்திற்கு வந்தபோது குருதேவரிடம் இதைப்பற்றிக்கூறினார். அதற்கு குருதேவர், நல்லது, நல்லது நீ பிரம்ம யோனியைப் பார்த்திருக்கிறாய்.
வில்வ மரத்தடியில் சாதனைகள் செய்த போது நானும் அதனைப்பார்த்தேன். ஒவ்வொரு வினாடியும் அதிலிருந்து கணக்கற்ற பிரம்மாண்டங்கள் தோன்றிக் கொண்டிருந்ததையும் கண்டேன் என்று சொன்னார்.
அனைத்து ஒலிகளும் ஒன்று திரண்ட பிரணவப்பேரொலி பிரபஞ்சம் முழுவதிலிருந்தும் தொடர்ச்சியாக எழுவதைக்கேட்டார் குருதேவர் . அந்த நாட்களில் அவரால் பறவை,விலங்குகளின் மொழிகளைக்கூடப்புரிந்து கொள்ள முடிந்ததாகச்சிலர் கூறினர். அவர்களிடம் குருதேவரே இதைச்சொன்னாராம். இந்த நாட்களில் தான் யோனியில் அன்னை பராசக்தி வீற்றிருப்பதையும் அவர் பிரத்தியட்சமாகக் கண்டார்.
அந்தக் காலகட்டத்தின் பிற்பகுதியில் தம்முள் அணிமா போன்ற எட்டு சித்திகள் தோன்றுவதை அவர் கண்டார்.
ஹிருதயர் சொன்னதன் பேரில், ஒரு நாள் குருதேவர் அன்னையிடம் சென்று இந்த சித்திகளைப் பிரயோகிப்பதால் விளையும் பயன்களைப்பற்றி அறிய முற்பட்ட போது, அவை ஒரு விலைமகளின் மலத்தைப்போல் ஒதுக்கப்பட வேண்டியவை என்று அறிந்துகொண்டார்.
அதிலிருந்து சித்திகளைப் பற்றிக்கேட்டாலே தமக்கு வெறுப்பாக இருப்பதாக குருதேவர் கூறுவார்.
இந்தச் சமயத்தில் குருதேவர் பெற்றிருந்த சித்திகளைப் பற்றிய ஒரு செய்தி எங்கள் நினைவுக்கு வருகின்றது.
ஒரு நாள் அவர் சுவாமி விவேகானந்தரைத் தனியாகப் பஞ்சவடிக்கு அழைத்து, இதோ பார்! எட்டு சித்திகளும் என்னிடம் உள்ளன. அவற்றை ஒருபோதும் பயன்படுத்துவதில்லை என்று நெடுநாட்களுக்கு முன்பே நான் முடிவு செய்துவிட்டேன். அவற்றைப் பயன்படுத்த வேண்டிய தேவையும் எனக்கு இருப்பதாகத் தெரியவில்லை.நீ சமயபோதனை போன்ற பல செயல்களைச் செய்ய வேண்டியிருக்கும். அதனால் அந்த சித்திகளை உனக்குக்கொடுக்க நான் முடிவு செய்து விட்டேன்.இதோ அவை! என்று கூறி அவற்றை அளிக்கத் தயாரானார். அப்போது சுவாமிஜி, இந்த சித்திகள் கடவுளை உணர்வதற்கு எனக்கு உதவுமா? என்றுகேட்டார். அதற்கு குருதேவர் கடவுளை உணர இவை உதவா. ஆனால் சமயபோதனை போன்ற பணிகளில் உனக்கு மிகவும் உதவியாக இருக்கும்,என்று சொன்னார். சுவாமிஜி அவற்றை ஏற்றுக்கொள்ள மறுத்து விட்டார். இதனால் குருதேவர் மிகவும் மகிழ்ச்சி அடைந்ததாக சுவாமிஜி பின்னாளில் கூறினார்.
தொடரும்..
பாகம்-45
குருதேவர் கூறினார், எந்த சாதனையிலும் வெற்றி பெற எனக்கு மூன்று நாட்களுக்கு மேல் ஆனதில்லை. ஒரு சாதனையில் ஈடுபட்டு கொழுந்து விட்டெரியும் ஏக்கத்துடன் அந்த சாதனையில் வெற்றி பெற வேண்டி அன்னையிடம் பிராத்தித்தால் மூன்று நாட்களுக்குள் இலக்கை எட்டி விடுவேன், பொது துணையின்றி மிக்குறுகிய காலத்தில் வீர நிலை சாதனைகளில் குருதேவர் வெற்றி கண்டதிலிருந்து வீர நிலை சாதனைகளுக்குப் பெண்துணையோ , மற்றும் பஞ்ச மகாரங்களோ இன்றியமையாதவை அல்ல என்பது தெளிவாகிறது.
சபல புத்தியால் சுயக்கட்டுப்பாட்டை இழந்த சாதகர்கள் மட்டுமே பெண் துணையுடன் சாதனை புரிகிறார்கள். தொடர்ந்து விடாமுயற்சியுடன் சாதனைபுரிந்தால் அவர்களும் திவ்ய நிலையை அடைய முடியும், என்று தந்திரங்கள் கூறுகின்றன. தந்திர சாஸ்திரங்களின் கருணைத் திறத்தையே இந்தச்சலுகை எடுத்துக்காட்டுகிறது.
புலனின்பப்பொருட்கள் மனிதனைக் கவர்ந்திழுத்து மீண்டும் மீண்டும் அவனைப் பிறவிச் சுழலில் பிணைக்கின்றன.இறைக்காட்சியோ ஆத்ம ஞானமோ அடைய இயலாதவாறு அவனைத்தடுத்தும் விடுகின்றன. மனக்கட்டுப்பாடு , விடாமுயற்சி, தொடர்ந்த பயிற்சி ஆகியவற்றின் மூலம் இவையும் இறைவனின் வடிவங்கள் என்பதை சாதகனுக்கு உணர்த்துவதே தாந்திரிக சாதனைகளின் நோக்கம்.சுயக்கட்டுபாடு எல்லா வற்றிலும் இறைவனைக்காணல் போன்ற பண்புகளில் சாதகர் களிடையே காணப்படுகின்ற வேறுபாட்டைக்கருத்தில் கொண்டு தான் தந்திர சாஸ்திரங்கள் பசுநிலை, வீர நிலை , திவ்ய நிலை என்று படிப்படியான மூன்று நிலை சாதனைகளை வகுத்துள்ளன. இந்த நிலைகள் அனைத்திற்கும் அடிப்படை சுயக்கட்டுபாடு என்பதையும், புலக்கட்டுப்பாட்டின் மூலம் மட்டுமே தாந்திரிக சாதகர்கள் தங்கள் முயற்சியில் பலன்களை அடையமுடியும். என்பதையும் நாளடைவில் மக்கள் மறந்து விட்டனர். இதனைச்சரியாகப் புரிந்து கொள்ளாதவர்கள் சாதகர்களின் தவறுகளைத் தாந்திரிக சாதனைகளின் பேரில் சுமத்தி,, தந்திர சாஸ்திரங்களையே குறைகூறினர்.
அனைத்துப் பெண்களையும் அன்னையென பாவித்து இந்த சாதனைகளில் குருதேவர் அடைந்த வெற்றி உண்மையான சாதகர்களுக்கும், ஏன் தாந்திரிக சாஸ்திரங்களுக்கும் ஒரு புதிய ஒளியைக் காட்டியுள்ளது. சாதகர்களின் வெற்றிக்கு அது சிறந்த வழிகாட்டியாகிறது.
தந்திர சாஸ்திரங்களின் உண்மைப்புகழையும் சரியான பொருளையும் மீண்டும் வெளிக்கொணரவும் வழிவகுத்தது.
தந்திர சாஸ்திரங்கள் கூறுகின்ற பலவிதமான ரகசிய சாதனைகளை குருதேவர் இரண்டு மூன்று ஆண்டுகள் செய்திருந்தும், அவற்றைப்பற்றிய விவரங்களை அவர் எங்களுள் யாரிடமும் முழுமையாகச் சொன்னதில்லை. சாதனைஆர்வத்தைத் தூண்டுவதற்காக அவ்வப்போது சில விவரங்களைச் சிலரிடம் கூறியிருக்கிறார்.
தகுந்த ஒரு சிலருக்கு அவரவர் தேவைக்கேற்ப சில சாதனை முறைகளைக் கற்பிக்கவும் செய்தார்.
குருதேவரை நாடி பல்வேறு இயல்புடைய பக்தர்கள் வந்தனர். அவர் தாந்திரிக சாதனைகளைச்செய்து அபூர்வ அனுபவங்களைப்பெற்றிருக்காவிட்டால், அவர்களின் வெவ்வேறு மனநிலைகளை அறிந்து, அவற்றிற்கு ஏற்ப அவர்களுக்கு வழிகாட்டியிருக்க முடியாது.
இதற்காகத் தான் அன்னை பராசக்தி அவரைத் தாந்திரிக சாதனைகள் மேற்கொள்ளச் செய்திருக்கவேண்டும். தம்மைச்சரணடைந்த பக்தர்களுக்கு குருதேவர் எவ்வாறு பல்வேறு சாதனை முறைகளில் வழிகாட்டினார். என்பதை வேறொரு பகுதியில் குறிப்பிட்டுள்ளோம் .அந்தப்பகுதியைப் படிக்கும் போது இதனைத் தெளிவாகப்புரிந்து கொள்ள முடியும்..
தாந்திரிக சாதனைகளின் போது தமது இயல்பு முன்பு இருந்ததிலிருந்து முற்றிலும் மாறுபட்டதாக இருந்தது.என்று குருதேவர் கூறினார்.
மேலே குறிப்பிட்ட வற்றைத் தவிர இந்த சாதனைகளின் போது கிடைத்த பல காட்சிகளைப் பற்றியும் பல்வேறு அனுபவங்களைப் பற்றியும் அவ்வப்போது எங்களிடம் அவர் கூறியிருக்கிறார்.
அவற்றுள் சிலவற்றை இங்கு கூறுகிறோம். அன்னை சிலவேளைகளில் நரிபோல் உருவம் கொள்கிறான். பைரவரின் வாகனம் நாய் என்று கேள்விப்பட்ட அவர், அந்த விலங்குகள் உண்டபின் எஞ்சிய உணவைப் பிரசாதமாகக்கருதி துளிகூடத் தயக்கமின்றி உண்டார்.
உடல், உள்ளம், வாழ்க்கை அனைத்தையும் அன்னையின் தாமரைத் திருவடிகளில் முற்றிலுமாகச் சமர்பித்தபோது உள்ளும் புறமும் ஞானத்தீ கொழுந்து விட்டெரிந்ததைக் கண்டார்.
அவரது குண்டலினி சக்தி விழித்தெழுந்து சிரசை நோக்கிச் சென்றது.
மூலாதாரம் முதல் சஹஸ்ராரம் வரையிலுள்ள அனைத்து ஆதாரங்களிலும் கவிழ்ந்து கிடந்த தாமரைகள் அப்போது நிமிர்ந்து மலர்ந்தன.
ஒவ்வோர் ஆதாரத்திலும் அற்புதமான அனுபவங்கள் பல ஏற்பட்டன. தெய்வீகப்பேரொளியுடன் கூடிய ஒருவர் சுழுமுனை நாடியின் வழியாகச் சென்று, கவிழ்ந்து கிடந்த தாமரை மலர்களைத் தம் நாவினால் தொட்டார். உடனே அவை நிமிர்ந்து மலர்ந்தன.
சுவாமி விவேகானந்தர் ஒரு சமயம் தியானம் செய்ய அமர்ந்திருந்த போது, முக்கோணவடிவப் பேரொளி ஒன்று தோன்றிப் பிரகாசிப்பதைக் கண்டார். அது உயிருணர்வுள்ளதாக அவருக்குத்தோன்றிற்று.ஒரு நாள் அவர் தட்சிணேசுவரத்திற்கு வந்தபோது குருதேவரிடம் இதைப்பற்றிக்கூறினார். அதற்கு குருதேவர், நல்லது, நல்லது நீ பிரம்ம யோனியைப் பார்த்திருக்கிறாய்.
வில்வ மரத்தடியில் சாதனைகள் செய்த போது நானும் அதனைப்பார்த்தேன். ஒவ்வொரு வினாடியும் அதிலிருந்து கணக்கற்ற பிரம்மாண்டங்கள் தோன்றிக் கொண்டிருந்ததையும் கண்டேன் என்று சொன்னார்.
அனைத்து ஒலிகளும் ஒன்று திரண்ட பிரணவப்பேரொலி பிரபஞ்சம் முழுவதிலிருந்தும் தொடர்ச்சியாக எழுவதைக்கேட்டார் குருதேவர் . அந்த நாட்களில் அவரால் பறவை,விலங்குகளின் மொழிகளைக்கூடப்புரிந்து கொள்ள முடிந்ததாகச்சிலர் கூறினர். அவர்களிடம் குருதேவரே இதைச்சொன்னாராம். இந்த நாட்களில் தான் யோனியில் அன்னை பராசக்தி வீற்றிருப்பதையும் அவர் பிரத்தியட்சமாகக் கண்டார்.
அந்தக் காலகட்டத்தின் பிற்பகுதியில் தம்முள் அணிமா போன்ற எட்டு சித்திகள் தோன்றுவதை அவர் கண்டார்.
ஹிருதயர் சொன்னதன் பேரில், ஒரு நாள் குருதேவர் அன்னையிடம் சென்று இந்த சித்திகளைப் பிரயோகிப்பதால் விளையும் பயன்களைப்பற்றி அறிய முற்பட்ட போது, அவை ஒரு விலைமகளின் மலத்தைப்போல் ஒதுக்கப்பட வேண்டியவை என்று அறிந்துகொண்டார்.
அதிலிருந்து சித்திகளைப் பற்றிக்கேட்டாலே தமக்கு வெறுப்பாக இருப்பதாக குருதேவர் கூறுவார்.
இந்தச் சமயத்தில் குருதேவர் பெற்றிருந்த சித்திகளைப் பற்றிய ஒரு செய்தி எங்கள் நினைவுக்கு வருகின்றது.
ஒரு நாள் அவர் சுவாமி விவேகானந்தரைத் தனியாகப் பஞ்சவடிக்கு அழைத்து, இதோ பார்! எட்டு சித்திகளும் என்னிடம் உள்ளன. அவற்றை ஒருபோதும் பயன்படுத்துவதில்லை என்று நெடுநாட்களுக்கு முன்பே நான் முடிவு செய்துவிட்டேன். அவற்றைப் பயன்படுத்த வேண்டிய தேவையும் எனக்கு இருப்பதாகத் தெரியவில்லை.நீ சமயபோதனை போன்ற பல செயல்களைச் செய்ய வேண்டியிருக்கும். அதனால் அந்த சித்திகளை உனக்குக்கொடுக்க நான் முடிவு செய்து விட்டேன்.இதோ அவை! என்று கூறி அவற்றை அளிக்கத் தயாரானார். அப்போது சுவாமிஜி, இந்த சித்திகள் கடவுளை உணர்வதற்கு எனக்கு உதவுமா? என்றுகேட்டார். அதற்கு குருதேவர் கடவுளை உணர இவை உதவா. ஆனால் சமயபோதனை போன்ற பணிகளில் உனக்கு மிகவும் உதவியாக இருக்கும்,என்று சொன்னார். சுவாமிஜி அவற்றை ஏற்றுக்கொள்ள மறுத்து விட்டார். இதனால் குருதேவர் மிகவும் மகிழ்ச்சி அடைந்ததாக சுவாமிஜி பின்னாளில் கூறினார்.
தொடரும்..
No comments:
Post a Comment