ஞானப் பேரொளியே! அறிவுச் சுடரே!
மகான் உன்னை நினைக்கின்றேன் -என்
மனமார நினைப் போற்றுகின்றேன்!
மகான் உன்னை நினைக்கின்றேன் -என்
மனமார நினைப் போற்றுகின்றேன்!
உலகம் செழிக்க,உன்னதம் பெற்றிட,
உலக மக்கள் உண்மையில் உறைந்திட
புதுநெறி புகுத்திய புதுமைத் துறவியே!
உலக மக்கள் உண்மையில் உறைந்திட
புதுநெறி புகுத்திய புதுமைத் துறவியே!
புதிய உலகம் படைக்க வேண்டியே
புவியெல்லாம் வலம் வந்தே – பல
புனிதர்களை படைத்த பிரம்மாவே!
புவியெல்லாம் வலம் வந்தே – பல
புனிதர்களை படைத்த பிரம்மாவே!
புண்ணிய பூமியின் புனிதம் காக்க
மண்ணின் மைந்தர்கள் நல்மனத்தைத் துளைத்து
கருணை பொங்கும் மகத்துவம் செய்தோய்!
மண்ணின் மைந்தர்கள் நல்மனத்தைத் துளைத்து
கருணை பொங்கும் மகத்துவம் செய்தோய்!
மானுடம் வாழ மறுபிறவி சிறக்க
பிறப்பின் லட்சியம் அதை -இப்
பிறவியிலே அடைய தியான மென்னும்
மெஞ்ஞான வழிகாட்டிய ஞானப் பெருங்கடலே!
பிறப்பின் லட்சியம் அதை -இப்
பிறவியிலே அடைய தியான மென்னும்
மெஞ்ஞான வழிகாட்டிய ஞானப் பெருங்கடலே!
இளைஞர் கூட்டத் தளபதியே!
நீயும், நின் சிந்தனை தந்த அமுதமும்
தேனுடன் பாலும் சேர்த்தாற் போல-
தேவனே! நீயுமென் சிந்தையில் சேர்ந்தாய்!
நீயும், நின் சிந்தனை தந்த அமுதமும்
தேனுடன் பாலும் சேர்த்தாற் போல-
தேவனே! நீயுமென் சிந்தையில் சேர்ந்தாய்!
நீ புவிக்கு வந்த அந்தப் புனித நாளின்
நினைவில் திளைத்து களித்து -மனம் மயங்கி
விழித்து நின்னையே நின்னை நினைத்து
பேருவகை பெற்றிடும் இப்பொழுதில்…
நினைவில் திளைத்து களித்து -மனம் மயங்கி
விழித்து நின்னையே நின்னை நினைத்து
பேருவகை பெற்றிடும் இப்பொழுதில்…
பிறவிப் பெருங்கடல் நீந்த -என்னுள்
பேரொளி பெருக அந்தப் பரமனை
பேராவலில் உருகி வேண்டுகிறேன்.
பேரொளி பெருக அந்தப் பரமனை
பேராவலில் உருகி வேண்டுகிறேன்.
விழித்தெழுவோம் நாம்!
ஆத்மா விழித்தெழ விடாது முயல்வோம்!
வாழ்க மானுட லட்சியம்!
வளர்ந்தெங்கும் பரவட்டும் வேதாந்த தத்துவம்!
ஆத்மா விழித்தெழ விடாது முயல்வோம்!
வாழ்க மானுட லட்சியம்!
வளர்ந்தெங்கும் பரவட்டும் வேதாந்த தத்துவம்!
உலகமே பேரொளியில் திளைத்து
பேரானந்தம் அடையட்டும்!
-
திரு. ஆலாசியம்.கோ,
பேரானந்தம் அடையட்டும்!
-
திரு. ஆலாசியம்.கோ,
No comments:
Post a Comment