இந்தியாவில் நடக்கும் அடக்குமுறைகள் பற்றி எழுதிய கடிதம்

இந்தியாவில் நடக்கும் அடக்குமுறைகள் பற்றி அமெரிக்க சீடர் மேரி ஹேல்க்கு எழுதிய கடிதம்
-
தற்கால இந்தியாவில் நடைபெறுகின்ற பிரிட்டிஷ் ஆட்சியில் ஒரே ஒரு நல்ல காரியம் நடந்தது,ஆனால் அது அவர்களை அறியாமல் நடந்த ஒன்று.அது. அவர்கள் இந்தியாவை மீண்டும் ஒருமுறை உலக அரங்கில் கொண்டுவந்தது,வெளியுலகத்தொடர்பை இந்தியாமீது திணித்தது.இந்திய மக்களின் நலலை மேற்கொண்டு அது செய்யப்படவில்லை.ரத்தத்தை உறிஞ்சுவதே அவர்களது முக்கிய நோக்கமாக இருக்கும்போது எந்த நன்மையும் செய்ய முடியாது.
-
முகமதிய வரலாற்று ஆசிரியரான பெரிஷ்டாவின் கணக்குப்படி 12ம் நூற்றாண்டில் இந்துக்களின் எண்ணிக்கை 60 கோடி தற்போது(அதாவது1899) இருப்பதோ 20 கோடிக்கும் குறைவாகவே உள்ளது.
-
நாட்டை வெற்றிகொள்ள ஆங்கிலேயர் போட்டியிட்டபோது பல நூற்றாண்டுகளாக தலைவிரித்தாடிய அராஜகம்,1857 லும்,1858லும் ஆங்கிலேயர்கள் செய்த படுகொலைகள். பிரிட்டிஷ் ஆட்சியின் தவிர்க்கமுடியாத விளைவாகியுள்ள அவற்றைவிட பயங்கரமான பஞ்சங்கள், சுதேசிகள் ஆட்சிசெய்தபோது ஒருபோதும் பஞ்சம் வந்ததில்லை,இந்த பஞ்சங்கள் காரணமாக இறந்துபோன கோடிக்கணக்கான மக்கள் இவையெல்லாம் இருந்தும் மக்கள்தொகை அதிரிக்கத்தான் செய்கிறது.ஆனால் நாடுமுற்றிலும் சுதந்திரமாக இருந்தபோது அதாவது முகமதியர்கள் ஆட்சிக்கு முன் இருந்த மக்கள் தொகை இன்னும் ஏற்படவில்லை
-
இந்தியர்களின் உழைப்பும் விளைச்சலும் அவர்களிடமிருந்து பறிக்கப்படாமல் இருந்தால் இப்போது இந்தியாவில் உள்ளவர்களைப்போல் ஐந்துமடங்கு மக்களை(100கோடி மக்களை) சுகவசதிகளோடு பராமரிக்க முடியும்.இதுதான் இந்தியாவில் உள்ள நிலைமை
-
கல்வி பரவுவதற்கு அனுமதிக்கப்படவில்லை. பத்திரிக்கை சுதந்திரம் ஏற்கனவே பறிக்கப்பட்டுவிட்டது. நீண்ட காலத்திற்கு முன்பே நாங்கள் நிராயுதபாணிகள் ஆக்கப்பட்டுவிட்டோம்.மக்களுக்கு தரப்பட்டிருந்த சிறிது சுயஆட்சியைகூட வேகமாக பறிந்துவருகிறார்கள்.அடுத்து என்ன நிகழுமோ என்று கவனித்தவண்ணம் உள்ளோம் நாங்கள்.குற்றமற்ற முறையில் சில வார்த்தைகள் விமர்சித்து எழுதியதற்காக மக்களுக்கு ஆயுள்தண்டனை வழங்கப்படுகிறது, விசாரணை எதுவும் இல்லாமல் சிறையில் இடப்படுகின்றனர். தன் தலை எப்போது போகும் என்று யாருக்கும் தெரியாது
-
சில ஆண்டுகளாக ஒரு பயங்கரமான ஆட்சி இந்தியாவில் இருந்துவருகிறது. ஆங்கிலேயர்கள் எங்கள் ஆண்களை கொன்றும்,பெண்களை பலவந்தப்படுத்தியும் வருகின்றனர். நாங்கள் ஒரு பயங்கரமாக இருள் நிலையில் உள்ளோம். ஆண்டவன் எங்கு உள்ளான் மேரி? இந்த கடிதத்தை வெறுமனே நீ வெளியிடுவதாக வைத்துக்கொள்வோம்.சமீபத்தில் இந்தியாவில் இயற்றப்பட்ட சட்டத்தால் இந்தியாவில் உள்ள ஆங்கிலேய அரசு என்னை விசாரணை இன்றியே கொல்ல முடியும்.இதில் உங்கள்(அமெரிக்க) கிறிஸ்தவ அரசுகள் எல்லாம் மகிழ்ச்சியே அடையும் என்பதும் எனக்குத் தெரியும். ஏனெனில் நாங்கள் கிறிஸ்தவர் அல்லாத பாவிகள் அல்லவா?
-
வேற்று மதப்பாவிகளை படுகொலை செய்வது கிறிஸ்தவர்களுக்கு நியாயமான பொழுதுபோக்கு. உங்கள் பாதிரிகள் கடவுளைப் பிரச்சாரம் செய்வதற்காக போகிறார்கள்.ஆனால் ஆங்கிலேயர்களுக்கு பயந்துபோய் உண்மைபேசும் தைரியம் இல்லாமல் கிடக்கிறார்கள்.
-
கல்வியை வளர்ப்பதற்காக முன்பிருந்த அரசுகளால் அளிக்கப்பட்ட சொத்து.நிலங்கள் அனைத்தும் விழுங்கப்பட்டுவிட்டன. இப்போதுள்ள அரசு,கல்விக்காக குறைந்த பணமே செலவிடுகிறது.அந்த கல்வியையும்தான் என்னவென்று சொல்வது? சுயசிந்தனையை சிறிது காட்டினாலும் அது நெரிக்கப்பட்டுவிடுகிறது
-
நாங்கள் புதிய பாரதம் ஒன்றை தொடங்கியுள்ளோம்-அது உண்மையான உன்னதமான பாரதம். என்ன நிகழப்போகிறது என்பதை பார்ப்பதற்காக காத்திருக்கிறோம்.
-
விவேகானந்தர், 30-10-1899