புதிய மதங்கள் எவ்வாறு தோன்றுகின்றன?

புதிய மதங்கள் எவ்வாறு தோன்றுகின்றன?

-

ஒரு மனிதன் இறைவனைக்காண வேண்டி பல்வேறு தவங்களை செய்கிறார். அவன் சிவனையோ அல்லது,கிருஷ்ணரையோ வழிபடுபவனாக இருக்கலாம்.படிப்படியாக முன்னேறி கடைசியில் மிகஉயர்ந்த நிலையாகிய உருவமற்ற நிலையை அடைந்துவிடுகிறான்.அப்போது அவனுக்கு பிரபஞ்சத்தின் ரகசியம் முழுவதும் தெரிந்துவிடுகிறது.அதன்பிறகு மனிதர்களுக்கு வழிகாட்டும் குரு என்ற நிலையை அடைகிறான்.

-

அவ்வாறு புதிதாக தோன்றிய குரு, ஏற்கனவே அவர் வழிபட்டுவந்த கடவுளுக்கு வேறுவிதமாக பொருள் கொடுத்து,வேறு விதமான தத்துவங்களை சொல்லி,புதிய பாதையை காட்டுகிறார். அந்த பாதையில் செல்பவர்களுக்கு முக்தி கிடைக்கும் என்கிறார். அந்த கருத்துக்களை மக்களிடம் கொண்டு சேர்ப்பதற்கு சில சீடர்களுக்கு பயிற்சியளித்து அவர்களை மக்களிடம் அனுப்பி மக்களை தங்கள் நெறியில் சேர்க்கிறார்

-

இதற்கு முன்பு அவர் வழிபட்டு வந்து சிவனுக்கும்,கிருஷ்ணனுக்கும் அங்கே இரண்டாம் இடம்தான்.அந்த குருவுக்குதான் முதல் இடம்.இதில் முக்கியமாக கவனிக்க வேண்டியது என்னவென்றால் அவரை குருவாக ஏற்றுக்கொண்டவர்கள் மட்டுமே அவர் காட்டிய அந்த பாதையில் முன்னேற முடியும்.

-

இவ்வாறு படிப்படியாக அந்த மதம் மக்களிடையே பரவ ஆரம்பிக்கும். அவரது சீடர்கள் இதேபோன்ற வேறு பிரிவுகளை வெறுப்பதிலும்,அலட்சியம் செய்வதிலும் ஈடுபட்டிருப்பார்கள்.அந்த பிரிவை பின்பற்றும் மக்களும் மதவெறியர்களாக இருப்பார்கள்.

-

இவ்வாறு பிரம்மஞானத்தை அடைந்த பிறகு சாதாரண நிலைக்கு வரும் ரிஷிகள் புதிய மதத்தை துவக்குகிறார்கள்.இவைகள் சிலவேளைகளில் இதற்கு முந்தைய தாய் மதத்தை ஆதரிக்கும்.பலவேளைகளில் தாய் மதத்தை எதிர்க்கும். உதாரணமாக சொல்வதென்றால் புத்தமதம்,சமணமதம்,சீக்கியமதம் உட்பட பல மதங்கள் தாய்மதங்களை எதிர்க்கின்றன

-

இந்தியாவில் ஆண்டுதோறும் இவ்வாறு ஒரு மதம் உருவாகிறது. ஒரு நூற்றாண்டில் 100 புதிய மதங்கள் உருவாகின்றன.இவ்வாறு கடந்த ஆயிரக்கணக்கான ஆண்டுகளில் கணக்கற்ற மதங்கள் உருவாகியுள்ளன.பல மதங்கள் காணாமல் போயிருக்கின்றன. நாம் இப்போது படிக்கும் பல்வேறு உபநிடதங்கள் என்பவை முற்காலத்தில் உள்ள பல்வேறு மதபிரிவுகளாககூட இருந்திருக்கலாம்.அதனால்தான் ரிக்வேத காலத்திலேயே கடவுள் ஒருவர்தான் மகான்கள் அவரை பல பெயர்களில் அழைக்கிறார்கள் என்ற கருத்து உருவாகியது

-

இதனால்தான் இந்துமதத்தை புரிந்துகொள்வதில் பெரிய சிக்கல் ஏற்படுகிறது. ஒவ்வொரு பிரிவும் ஒரே உண்மையை தங்களுக்கு ஏற்ற விதத்தில் கூறுவார்கள். ஒருவர் பிரம்மம் என்பார்.இன்னொருவர் சூன்யம் என்பார்,மற்றொருவர் வெட்டவெளி என்பார்.அதற்கு அவர்கள் கொடுக்கும் விளக்கங்களும் ஒரேமாதிரி இருப்பதில்லை

-

இவைகள் நல்லதா?கெட்டதா?

-

ஆயிரக்கணக்கான ஆண்டுகளாக இந்துமதம் வாழ்ந்துவருவதற்கு காரணம் இந்த பிரிவுகள்தான்.பழைய மதங்களில் நிலவும் மூடநம்பிக்கைகளை இந்த ரிஷிகள் கண்டிக்கிறார்கள் புதிய பாதையை காட்டுகிறார்கள். சில நூற்றாண்டுகளுக்கு பின் இதிலும் மூடநம்பிக்கை ஏற்பட்டுவிடும் .அப்படி பல மாறுதல்களை நாம் கடந்து வந்திருக்கிறோம். 5000 ஆண்டுகளுக்கு முன்பு நாம் பின்பற்றி வந்த எந்த பழக்கமும் இப்போது நம்மிடம் இல்லை.ஆனாலும் நமது மதம் வாழ்ந்து வருகிறது. அதற்கு காரணம் இந்த ரிஷிகள் கொண்டுவரும் மாற்றங்கள்தான்

-

உண்மையை உணர்ந்த ரிஷிகள் ஒருபுதிய பிரிவை தோற்றுவிப்பதை வழக்கமாக வைத்திருக்கிறார்கள். அந்த ரிஷிகள் முக்தி அடைவதில்லை. சூட்சும நிலையில் வாழவிரும்புகிறார்கள்.அந்த நிலையில் வாழும்போது செய்வதற்கு ஏதாவது வேலை வேண்டுமே.அதனால் புதிய மதபிரிவை உருவாக்கி அவரை வழிபடுபவர்களை.வழிநடத்துகிறார்கள். அவர்கள் புதிய சொர்க்கத்தையும் உருவாக்குவதுண்டு. சிலர் அந்த சொர்க்கத்தில் அவர்களுடன் வசிப்பார்கள்.எதுவரை மக்கள் அந்த ரிஷியை வணங்குவார்களோ அதுவரை அவர் சூட்சும உலகில் வாழ்வார். அந்த பிரிவை மக்கள் ஒதுக்கிவிட்டால் அந்த மதம் அழிந்துவிடும். அவர் மனிதனாக மறுபடி பிறப்பார்.

-

பல நேரங்களில் இந்த ரிஷிகளுக்கும் சுயநலம் ஏற்படுவதுண்டு. தங்கள் மதப்பிரிவுகள்தான் அதிக அளவில் வளரவேண்டும். தங்களைத்தான் அதிக மக்கள் பின்பற்ற வேண்டும் என்று நினைக்கிறார்கள்.அதனால் அவர்கள் வாழும்போதே அதற்கான சில உபதேசங்களை கூறிவிட்டு செல்கிறார்கள். நான் கூறுவதுதான் இறைவேதம் மற்றவைகள் இனிபலன்தராது அதுமட்டுமல்ல நான்தான் கடைசி தீர்க்கதரிசி எனக்கு பிறகு யாரும் வரமாட்டார்கள் இப்படி பல விஷயங்களை சொல்லலாம்.. அவரது காலத்திற்கு பிறகு யாராவது ஒரு தீர்க்கதரிசி வந்தால் மக்கள் அவரை ஏற்றுக்கொள்ளமாட்டார்கள்.அது மட்டுமல்ல மற்ற மதபிரிவுகளை ’சேர்ந்தவர்களை கொலை செய்யவும் தயங்க மாட்டார்கள். இதற்கு காரணம் அந்த பிரிவை உருவாக்கியவர்தான். பலரை கொன்றதற்கான பாவமும் அவரையே சாரும்.அந்த மதப்பிரிவு படிப்படியாக அழிவையே சந்திக்கும்

-

சுவாமி விவேகானந்தர் இதுபற்றி என்ன கூறுகிறார்? நாம் ஒவ்வொருவரும் ஒரு மதப்பிரிவை உருவாக்க வேண்டும். அதாவது நாம் ஒவ்வொருவரும் ரிஷிகளாக வேண்டும். உண்மையை உணரவேண்டும் என்கிறார்.

-

இருப்பது ஒரே கடவுள்தான் அவரை அடைவதற்கான பாதைகள் வெவ்வேறு என்பது இந்தியாவின் கருத்து.இதை பின்பற்றாத மதப்பிரிவுகள் எதுவாக இருந்தாலும் அது இந்தியாவிற்கு ஆபத்தானதுதான்.அதை இந்தியாவிலிருந்து நீக்கிவிடவேண்டியது நமது கடமை.

-

எங்கள் மதம்தான் உண்மை மற்றவை பொய் அல்லது கீழானது என்று கூறும் மதங்களையும்,மதப்பிரிவுகளையும் இந்தியாவிலிருந்து அகற்றிவிட வேண்டும். இவ்வாறு இந்தியா முழுவதும் மத ஒற்றுமையை கொண்டுவர வேண்டும்.

-

கட்டுரை...சுவாமி வித்யானந்தர் (8-5-2018)

-