சுவாமி வித்யானந்தரின் சிந்தனைகள்-3

சுவாமி வித்யானந்தரின் சிந்தனைகள்-3
-
பிறர் முக்தி பெற நீ உதவினால்,உனது முக்திக்கு இறைவன் உதவுவார்
-
1.துவைதம்,2.விசிஷ்டாத்வைதம்,3.அத்வைதம் முன்று படிக்கட்டுகள்.முதல் படியை புரிந்துகொள்ளாதவனால்,மூன்றாவது படியில் ஏறமுடியாது
-
யாரை ஆட்சியில் அமர்த்தவேண்டும்.யாரை ஆட்சியிருந்து அகற்ற வேண்டும் என்று முடிவுசெய்வது மக்கள் அல்ல.அதற்கும் மேலே உள்ள சக்தி
-
உலகத்தின் சமநிலை குலைந்தால்,அதை இயற்கை சில அழிவுகளை உருவாக்கி மீண்டும் சமன்செய்துவிடும்.law of balance.3rd world war?
-
யோகிக்கு பிரபஞ்சத்தின் ரகசியம் எல்லாம் புரியும்.ஆனால் அதில் மாற்றம் செய்ய நினைத்தால், எதிர்விளைவுகளை ஏற்கவேண்டியிருக்கும்
-
விவேகானந்தரின் கருத்துக்களை முற்றிலும் புரிந்துகொள்ள யாரால் முடியும்?இன்னொரு விவேகானந்தரால் மட்டுமே முடியும்.முயற்சி செய்யுங்கள்..
-
விவேகானந்தரின் ஞானயோக கருத்துக்களை உங்களால் புரிந்துகொள்ள முடிகிறதென்றால்,ஆன்மீகத்தில் வளர்ந்து கொண்டிருக்கிறீர்கள் என்று பொருள்
-
நீ வாழவேண்டுமானால், பிறரை வாழ வை. ஏனென்றால் அந்த பிறராக இருப்பதும் நீதான்
-
ஒரு ஆணும் பெண்ணும் உண்மையிலேயே அன்பு செய்ய முடிந்தால்,அவர்கள் உடலும்,மனமும் அழிந்துவிடும்.இருஉயிர் ஒன்றாக கலந்துவிடும்.முக்தி
-
நமது உடலை பிரபஞ்சம் அளவு விரிவு படுத்தினால் அனைத்து உலகங்களும்,உயிர்களும்,தேவர்களும் நமக்குள்ளேயே வந்துவிடுவார்கள்
-
இந்த உலகத்தில் மிகவும் இனிமையானதும்,உயர்ந்ததும் எது? அன்பு.அதற்கு உருவமில்லை. அன்பே கடவுள்
-
ஆண் புருஷன்,பெண் பிரகிருதி என்று பெயர்.புருஷன் பிரகிருதியில் கலந்தால் படைப்பு,பிரகிருதி புருஷனில் ஒடுங்கினால் முக்தி-சாங்கியம்
-
நமது மனத்திலுள்ள சந்தேகங்கள் அகல அகல நாம் அமைதியடைகிறோம் உண்மையின் பக்கத்தில் வந்துகொண்டிருக்கிறோம் என்று பொருள்.
-
தானமாக யாரிடமிருந்தாவது எதையாவது பெற்றால் கொடுப்பவன் பாவமும் சேர்ந்து வருகிறது. ஆகவே பெறுபவன் பாக்கியசாலி அல்ல.
-
உங்களிடமிருந்து புறப்படும் தீய எண்ணங்கள் கூட்டு வட்டியுடன் மீண்டும் உங்களிடமே திரும்பி வரும்.அதை யாராலும் தடுக்க முடியாது.-விவேகானந்தர்
-
இயற்கையிலிருந்து விலகி நின்றால் அது உங்களை தொடர்ந்துவரும். நீங்கள் அதைப் பொருட்படுத்தாவிட்டால் உங்களுக்கு அடிமையாகும்-விவேகானந்தர்
-
பிரம்மச்சர்யத்தை கடைபிடித்தால் சங்கல்பம் வலிமையுள்ளதாகும். சங்கல்பம் வலிமையானால் நினைத்ததை சாதிக்க முடியும்.-விவேகானந்தர்
-
காலம் என்ற ஒன்றே மறைந்துபோனால், மனம் ஒருமைப்பட்டுவிட்டது என்று புரிந்துகொள்ளலாம்.-விவேகானந்தர்
-
பூமிக்குள் தங்களை புதைத்துக்கொண்டு, சுவாசிக்காமலே உயிர்வாழும் உயிர்கள்போல,சில மனிதர்களும் வாழ்ந்துகொண்டிருக்கிறார்கள்
-
அணுவை பிளக்கும்போது வரும் மாபெரும் சக்தி அதற்குள் ஒடுங்கி இருந்ததுதான். இதேபோன்ற எல்லையற்ற சக்தி ஒவ்வொரு அணுவுக்குள்ளும் உள்ளது.
-
உடல் அணுக்களால் ஆனது.அது தொடர்ந்து இடம் மாறிக்கொண்டே இருக்கும். நேற்று நம் உடலில் இருந்த அணு இன்று இன்னொரு உடலுக்கு மாறியிருக்கும்-விவேகானந்தர்
-
அனைத்து ஜடப்பொருளுக்கும் பின்னால் ஒரு எண்ணம் இருக்கிறது.அந்த எண்ணத்தை நீக்க முடிந்தால் ஜடப்பொருள் மறைந்துவிடும்
-
ஒருவன் தன்மனத்தை முற்றிலும் அடக்க முடிந்தால்,உலகிலுள்ள அனைவரது மனத்தையும் அடக்க முடியும். அனைத்தும் மையத்தில் இணைக்கப்பட்டுள்ளது.
-
ஜடப்பொருளை பொடியாக்கி அதன் மூலக்கூறுகளாக மாற்றலாமே தவிர,அதை முற்றிலுமாக அழித்து இல்லாமல் செய்ய முடியாது.
-
இருக்கின்ற ஒரு சக்தியைதான் இன்னொரு சக்தியாக மாற்ற முடியுமே தவிர,புதிதாக ஒரு சக்தியை உருவாக்க முடியாது.
-
ஒவ்வொரு அணுவும் தொடர்ந்து இயங்கிக் கொண்டிருக்கிறது. ஏதாவது ஒரு அணுவின் இயக்கத்தை நிறுத்த முடிந்தால் இந்த பிரபஞ்சமே அழிந்துவிடும்
-