மனித இனத்தில் மட்டும் பெண் ஏன் அழகாக படைக்கப்பட்டுள்ளது?

விலங்குகளில் ஆண் இனம் அழகாக படைக்கப்பட்டுள்ளபோது, மனித இனத்தில் மட்டும் பெண் ஏன் அழகாக படைக்கப்பட்டுள்ளது? ஒரு காரணம் இருக்கிறது
-
மயிலை எடுத்துக்கொள்ளுங்கள்,சிங்கத்தை பாருங்கள்,குரங்கைகூட பாருங்கள் ஆண் இனம்தான் அழகாக படைக்கப்பட்டுள்ளது.பெண் இனத்தை கவரும்படி அது படைக்கப்பட்டிருக்கிறது.எந்த ஆண் இனம் அதிக வீரமாகவும்,அழகாகவும்,கர்ஜனையாகவும் இருக்கிறதோ அதைத் தேடி பெண் இனம் வருகிறது.இவ்வாறு படைப்பு என்பது விலங்குகள் சாம்ராஜ்யத்தில் அமைந்திருக்கிறது.
-
ஆனால் மனித பிறவியைப் பொறுத்தவரை பெண்களைத் தேடி ஆண்கள் செல்வதையே பார்க்கிறோம்.ஆண்களை கவரும்படி பெண்இனம் படைக்கப்பட்டுள்ளது.
-
மனித இனத்தை பொறுத்தவரை ஆண்கள் தன்னில்தானே இன்பம் காண முடியும்.தனக்குள் ஆழ்ந்து மூழ்குவதன் மூலம் ஆன்மாவை நெருங்க முடியும். அப்படி அனைவரும் முயற்சித்தால்
மனித படைப்பே நடைபெறாமல் நின்றுவிடும் .அவனை உள்முகமாக செல்லவிடாமல் புறமுகமாக இருக்க செய்வதற்காக பெண்இனம் அழகாக படைக்கப்பட்டுள்ளது.அந்த அழகில் மூழ்கி,ஆண்கள் புற உலகத்தையே சுற்றிக்கொண்டிருக்கிறார்கள்.அக உலக இன்பத்தை மறந்துவிடுகிறார்கள்.
-
கணவனும் மனைவியும் ஒத்த மனம் உடையவர்களாக இருந்தால்,அகஉலகம்,புற உலகம் இரண்டிலும் இன்பம் காண முடியும்.
-
சுவாமி வித்யானந்தர்