நூறு தமிழ் இளைஞர்களாவது உலகிலிருந்து விலகி நின்று,நாடுநாடாகச் சென்று சத்தியப்போரை நடத்துவதற்கு ஆயத்தமாகும்போதுதான்

சுவாமி விவேகானந்தர் லண்டனிலிருந்து 1895-ல் தமிழ் இளைஞர்களுக்கு எழுதிய கடிதம்

-

நான் விலகியதும் இந்த பணி(வெளிநாடுகளில் வேதாந்தத்தை பிரச்சாரம் செய்தல்) பேரளவிற்கு பாதிக்கப்படுவது நிச்சயம்.

---------------------

பின்னர் ஏதாவது நிகழும்.அதை மீண்டும் சரிப்படுத்த வலிமையான ஒரு மனிதன் தோன்றுவான்.

--------------------

எது நல்லது என்பது இறைவனுக்கே தெரியும்.வலிமையான உண்மையான சிலர் கிடைத்தால் அமெரிக்காவின் பாதியை பத்து ஆண்டுகளில் வென்றுவிட முடியும். ஆனால் அத்தகையோர் எங்கே? நீங்கள் எல்லோரும் மடையர்கள்(தமிழர்களை பார்த்து கூறுகிறார்) சுயநலம் பிடித்த கோழைகள்.உதட்டளவு தேச பக்தர்கள்.நாங்கள் மதவாதிகள் என்று கூறிக்கொள்கிறீர்கள்.தமிழர்களிடம் மற்றவர்களைவிட ஊக்கம் அதிகம் உள்ளது.ஆனால் அந்த முட்டாள்கள் ஒவ்வொருவனும் திருமணம் ஆனவன். திருமணம்! திருமணம்! ஏதோ அந்த ஒரு உறுப்புடன் பிறந்தவன்போல் அலைகிறான்...இல்லறத்தானாக இருக்க விரும்புவது நல்லதுதான்.ஆனால் இப்போது தமிழர்களிடையே நாம் விரும்புவது திருமணம் அல்ல.திருமணமின்மையே தேவை..

-

என் மகனே,நான் வேண்டுவது இரும்பைப் போன்ற தசையும் எக்கை ஒத்த நரம்புகளுமே.அவற்றுடன்,இடி எதனால் ஆக்கப்பட்டுள்ளதோ அதே பொருளால் செய்யப்பட்ட மனம் வேண்டும்.வலிமை,ஆண்மை,வீரம்,பிரம்மதேஜஸ் போன்றவை. நமது அழகான இளைஞர்களிடம் உள்ளது.ஆனால் திருமணம் என்று அழைக்கப்படுகின்ற.இந்த மிருகத்தனமான பலிபீடத்தில் லட்சக்கணக்கானோர் படுகொலை செய்யப்படாமல் இருந்தால் எவ்வளவு நன்றாக இருக்கும்! இறைவா, எனது குரலுக்கு செவிசாய்ப்பாய்! இதய சுத்தமான,கல்வி பயின்ற நூறு தமிழ் இளைஞர்களாவது உலகிலிருந்து விலகி நின்று,நாடுநாடாகச் சென்று சத்தியப்போரை நடத்துவதற்கு ஆயத்தமாகும்போதுதான் தமிழகம்(அப்போது சென்னை மாகாணம்) விழித்தெழும்.இந்தியாவிற்கு வெளியே ஒரு அடி அடிப்பது இந்தியாவிற்குள் ஒரு லட்சம் அடிகள் அடிப்பதற்கு சமம்.எம்பெருமான் திருவுள்ளம் கொண்டால் எல்லாம் நிகழும்

-

அன்புடன்-விவேகானந்தா

-

விவேகானந்தரின் ஞானதீபம்-புத்தகம்10பக்கம்396