அன்னை சாரதாதேவியின் அன்புமொழிகள்-பாகம்-16

அன்னை சாரதாதேவியின் அன்புமொழிகள்-பாகம்-16
-
மகனே இப்போதெல்லாம் என்னால் யாருடைய குற்றங்களையும் காணவோ கேட்கவோ முடிவதில்லை. பிராரப்த கா்மத்தின் படிதானே ஒருவன் நடக்க முடியும். கலப்பை குத்த வேண்டும் என்றிருந்தால் ஊசியாவது குத்தியே தீரும்.பிறரது குறைகள் ஆரம்பத்தில் என் கண்ணிலும் படத்தான் செய்தது. கண்களில் கண்ணீருடன் நான் இறைவனிடம் பிரபோ! நான் யாருடைய குறைகளையும் பாா்க்க விரும்பவில்லை என்று எவ்வளவோ பிராத்தனை செய்தேன். அதன் பிறகு தான் அந்த குணம் என்னிடமிருந்து அகன்றது. 
-
சேவகா்கள் பலாின் வீழ்ச்சி பற்றி கூறுகிறாயா? அது ஏன் நிகழ்கிறது? ஒரு மகான் இருந்தால் அவரைச்சுற்றி நாற்புறமும் ஒரு மகிமை பரவுகிறது. அவருக்குச் சேவைசெய்ய வருகின்ற பலரும் அந்த மகிமையில் தங்களை இழந்து விடுகின்றனா். புகழையும் பெருமையையும் எல்லாமாகக் கொண்டு அதிலேயே முழ்கி வீழ்கின்றனா்.
-
எங்கள் மனம் ஏன் கடவுளை நாடவில்லை?.என்று அவர்கள் கேட்டனர் . அதற்கு குருதேவர் , “ படுக்கையறை வாசனை இன்னும் போகவில்லை . முதலில் அந்த வாசனை போகட்டும் . அதற்குள் என்ன அவசரம் ? படிப்படியாக எல்லாம் நடக்கும் . இந்தப் பிறவியில் சந்தித்திருக்கிறோம் , அடுத்த பிறவியிலும் சந்திப்போம் . அப்போது நடக்கும் ” என்பார் 
-
சாதனை ஆகட்டும் , தவம் ஆகட்டும் , தீர்த்த யாத்திரை ஆகட்டும் , இளமையிலேயே செய்ய வேண்டும் . ‘ தினந்தோறும் இருபது ஆயிரம் ஜபம் செய்ய வெண்டும் . முடியுமா ? முடியும் என்றால் மனம் வசப்படும் . இது நான் என் அனுபவத்தில் கண்டது . முதலில் இவ்வாறு செய்யட்டும் . ஆனால் மன ஈடுபாட்டுடன் ஜபிக்க வேண்டும் . அதைச் செய்ய மாட்டார்கள் , ஜபம் செய்துசெய்து இறைவனின் உருவக் காட்சி கிடைக்கும் போது , தியானம் கைகூடும்போது , ஜபம் நின்று விடுகிறது . தியானம் கைகூடிவிட்டால் எல்லாமே கிடைத்தமாதிர்தான் . 
-
அலைபாய்வது மனத்தின் இயல்பு . எனவே ஆரம்ப நிலையில் மனத்தை வசப்படுத்துவதற்கு சற்று மூச்சை ஒழுங்குபடுத்தி செய்ய முயல வேண்டும் . மனம் நிலைபெற அது உதவும் . ஆனால் அழவுக்கு மீறி செய்யவும் கூடாது , மூளை சூடாக்கிவிடும் . இறைக்காட்சி ஆகட்டும் , எல்லாம் மனத்தைப் பொறுத்தது . மனம் வசப்படும்போது எல்லாமே கிடைத்துவிடுகிறது . ‘ மனிதன் இறைவனை மறந்தே வாழ்கிறான் . அதனால்தான் அவர் அவ்வப்போது வந்து சாதனைகள் செய்து வழி காட்டுகிறார் . இந்த முறை தியாகத்தைக் காட்டியிருக்கிறார் . ’ 
-
இறைவனை யாா் உண்மையிலேயே விரும்புகிறாா்கள்? அந்த மன ஏக்கம் யாாிடமும் இருக்கிறது ?ஒரு பக்கம் தங்கள் பக்தியையும் ஆா்வத்தையும் பற்றியெல்லாம் பேசுகிறாா்கள். மறுபக்கம் சாமானிய சுக போகத்திற்காக ஒரு சிறு வாய்ப்பு கிடைத்தால் உடனே துள்ளிக்குதிக்கிறாா்கள். ஆகா! கடவுள் தான் என்னவொரு கருணை காட்டி விட்டாா், என்று சொல்கிறாா்கள்.
-
ஒரு வாா்தையில் சொல்வதானால் நாம் பிராத்திக்க வேண்டியது ஆசையின்மை. ஆசைதான் துக்கங்களுக்கு முலக்காரணம் . பிறப்பு இறப்பு சுழலில் மீண்டும் மீண்டும் நாம் உழல்வதற்கு காரணம். அது மட்டுமல்ல முக்தி பாதையில் தடையே ஆசை தான். 
-
குருதேவர் பணிசெய்ய வந்த துறவிகளான நீங்கள் ஏன் கரையில்லா வேட்டி கட்டியிருக்கிறீா்கள் ? நீங்கள் இளைஞா்கள் . நல்ல கரையுள்ள வேட்டி கட்டுங்கள். இல்லாவிட்டால் மனம் கிழமாகிவிடும். மனத்தை எப்போதும் இளைமையாக உற்சாகமாக வைத்திருக்க வேண்டும். 
-
(துறவிகளிடம்)கட்டாயமாக வேலை செய்யத்தான் வேண்டும் . வேலை செய்வதால் மனம் விழிப்புடன் இருக்கிறது. ஆனால் ஜப தியானம் , பிராத்தனை ஆகியவையும் கட்டாயம் வேண்டும். காலையிலும் மாலையிலும் ஒரு முறையாவது சாதனைகளுக்காக அமா்ந்தேயாகவேண்டும். அது கப்பலுக்கு சக்கான் போல செயல்படுகிறது. 
-
சந்தியா வேளையில் அன்று முழுவதும் செய்த நல்லவை கெட்டவை அனைத்தையும் சிந்தித்து பார்க்க வேண்டும்.அதன் பிறகு முந்தின நாள் இருந்த மனநிலையுடன் அன்றைய மன நிலையை ஒப்பிட்டு பாா்க்க வேண்டும். அதன் பிறகு ஜபம் செய்ய வேண்டும். படிப்படியாக தியானம் செய்ய வேண்டும். தியானத்தில் முதலில் இஷ்ட தெய்வத்தின் முகம் தோன்றுவது இயல்பு தான். ஆனால் பாதங்களிலிருந்து தொடங்கி தான் தியானம் செய்ய வேண்டும்.பின்பு முழு வடிவையும் தியானிக்க வேண்டும். 
-
வேலைகளுடன் காலையிலும் மாலையிலும் ஜப தியானம் செய்யாவிட்டால் , நீ என்ன செய்கிறாய் , என்ன செய்ய வில்லை என்பதெல்லாம் எப்படி தொியும்? 
-
அன்று தான்பாா்த்தாயே , ஒருவன் பலவந்தமாக அமா்ந்து அதிகம் ஜப தியானம் செய்ய முயற்சித்தான். என்னவாயிற்று? மனநிலை பாதிக்கபட்டு வந்து சோ்ந்தான். மனம் பாதிக்கப்பட்டால் என்ன மிஞ்சும்? மனம் என்பது ஸ்க்ரூ போன்றது. ஒரு பிாி கழன்றால் போதும் பைத்தியம் பிடித்து விடும் . இல்லாவிட்டால் , மகாமாயையின் பொறியில் சிக்கி நான் பொிய புத்திமான் நான்நன்றாகத்தான் இருக்கிறேன் என்று நினைத்துக் கொள்வான்
-
மனத்தை கண்டபடி அலைய விடுவதை விட வேலைகளில் ஈடுபடுவது எவ்வளவோ மேல். அலைகின்ற மனம் குழப்பத்தையே உருவாக்கும் . எனது நரேன் இதையெல்லாம் பாா்த்துதானே ”பற்றற்று பணி செய்தல் ”என்ற ஒரு பாதையை உருவாக்கினான்! 
-
இதயம் புண்படுமாறு பேசலாமா? உண்மையாக இருந்தாலும் பிறரது உள்ளம் புண்படும் விதத்தில் அதனைக்கூறக்கூடாது.இப்படியே பேசினால் கடைசியில் அது உன் இயல்பாகவே ஆகி விடும். மென்மையை இழந்து விட்டால் பிறகு ஒருவனது பேச்சை எதுவும் கட்டு படுத்த முடியாது.
-
அன்னை சாரதாதேவியின் உபதேசங்களை தினமும் பெற வாட்ஸ்அப் 9003767303
-