ஆன்மா,இயற்கை,இறைவன் சொற்பொழிவின் முக்கிய கருத்துக்கள்

சுவாமி விவேகானந்தரின்- ஆன்மா,இயற்கை,இறைவன் சொற்பொழிவின் முக்கிய கருத்துக்கள்
‡
வேதாந்த தத்துவத்தின்படி மனிதன் மூன்று பொருட்களால் ஆனவன்
தூலவடிவமான உடல் அடுத்து சூட்சும உடல்,கடைசியில் ஆன்மா
‡
சூட்சும உடல் பல யுகங்களானாலும் அழியாமல் இருக்கும்.இவை 
எந்த தடைகளையும் கடந்துவிடும்.ஆனால் தூலஉடலைப்போல அதுவும் ஜடம்தான்
‡
நான்‡உணர்வு,புத்தி,சித்தம்,பொறிகள்,புலன்கள்,உடல் எல்லாமே ஆன்மாவின்
கட்டளைக்கு அடங்கி நடக்கின்றன.இவற்றையயல்லாம் 
தோன்றுவித்ததும் ஆன்மாதான்
‡
பிரபஞ்சத்தை முழுவதுமாக எடுத்துக்கொண்டால் அது எந்த அமைப்பில் 
உருவாக்கப்பட்டிருக்கிறதோ,அதே அமைப்பில்தான் அதன் ஒவ்வொரு பகுதியும்
அமைக்கப்பட்டிருக்கிறது
‡
பிரபஞ்சத்தில் ஒரு சிறுபகுதியில் என்ன இருக்கிறதோ அதுவே பிரபஞ்சம் முழுவதும்
இருக்கும் என்பதை நாம் காணலாம்
‡
ஒரு கண்ணாடித்துண்டை உடைத்துபொடியாக்கியால் அது மூலக்கூறுகளாக 
மாறுமேதவிர சூன்யமாகிவிடாது.இந்த உலகிலுள்ள எல்லா பொருட்களும் அதேபோல்தான்
‡
எந்த பொருட்களையும் சூன்யமாக மாற்றமுடியாது.கண்களால் காணமுடியாத
நுட்பநிலையை அவை அடையலாம்.ஆனாலும் அவை நுட்பமாக இருக்கவே செய்கிறது
‡
சூன்யத்திலிருந்து எந்த பொருட்களையும் உருவாக்க முடியாது.அதே போல் சூன்யத்திலிருந்து
பிரபஞ்சத்தை உருவாக்க முடியாது. ஏற்கனவே இருக்கும்
பொருளிலிருந்துதான் இன்னொன்றை உருவாக்க முடியும்.
‡
இந்த பூமி குளிர்ந்துகொண்டே சென்று கடைசியில் ஒருநாள் தூள்தூளாக சிதறினாலும்
அவை நுட்பமான அணுக்களாக மாறுமேதவிர சூன்யமாகிவிடாது.அந்த அணுக்களிலிருந்து
மீண்டும் பூமி தோன்றும்
‡
இந்த பிரபஞ்சம் நுட்பமான அணுக்களாக மாறுவதும் பிறகு பிரபஞ்சமாக விரிவடைவதும்
மறுபடிமறுபடி நடக்கிறது.இதை பிரபஞ்சம் ஒடுங்குதல் மற்றும் பரிணமித்தல் என்பார்கள்
‡
உலகிலுள்ள சக்தியின் மொத்த அளவு எப்போதும் ஒன்றுதான் என்பதும்,
எந்த பொருளுக்கும் அழிவு(சூன்யம்) இல்லை என்பதும் நமக்குத் தெரியும்
-
இந்த பிரபஞ்சம் முன்னால் ஒடுங்கிய பிரபஞ்சத்தின் பரிணாம விரிவே. மீண்டும் இது நுட்பமாகி,
மிக நுட்பமாகி ஒடுங்கிவிடும்.அதிலிருந்து மீண்டும் புதிய யுகம் தோன்றும்.
‡
சூன்யத்திலிருந்து ஏதோ ஒன்று படைக்கப்பட்டது என்ற பொருளில் படைப்பு என்பது 
எதுவும் ஏற்படவில்லை.படைப்பு என்பது வெளிப்பாடு
‡
பிரபஞ்சம் என்பது வெளிப்பாடு,அதை வெளிப்படுத்தியவர் இறைவன். பிரபஞ்சம்
அவரது மூச்சின் வழியே வெளிவருவதுபோல் உள்ளது.திரும்பவும் அவருள்ளேயே
ஒடுங்கிவிடுகிறது
‡
முதன் முதலாக படைப்பு எப்படி எங்கே என்று கேட்பது பொருளற்றது. காலத்திற்கு தொடக்கம்
என்ற ஒன்று கிடையாது.தொடக்கத்தை நினைத்தால் அதற்கு முன்பு என்ன என்று
சிந்திக்கவேண்டியிருக்கும். ஆகவே காலம் எல்லையற்றது
‡
காலமும், பிரபஞ்சமும் எல்லையற்றவை இதற்கு ஒரு தொடக்கமும் இல்லை,
முடிவும் இல்லை.அதேபோல் இறைவனுக்கும் தொடக்கம் முடிவு இல்லை
‡
ஒருவன் முக்திபெற்றதும் ஆவியுடல் முலக்கூறுகளாக பிரிந்துவிடுகிறது.ஆன்மா
அழிவற்றதாக எப்போதும் இருக்கிறது
‡
அழிவு என்பதன் பொருள் என்ன? ஒரு பொருளை மூலக்கூறுகளாக பிரித்தால்
அதை அழிவு என்கிறோம்.மூலக்கூறுகளால் ஆக்கப்படாத பொருளுக்கு அழிவு இல்லை
‡
ஆன்மா எந்த மூலக்கூறுகளாலும் ஆக்கப்பட்டதல்ல என்பதால் அதற்கு அழிவு இல்லை
ஆகவே அதற்கு தொடக்கமும் இல்லை முடிவும் இல்லை.
‡
இயற்கை முழுவதையும் எடுத்துக்கொண்டால் அதற்கு தொடக்கமும் இல்லை
முடிவும் இல்லை.ஆனால் அதற்குள் பலகோடி மாறுதல்கள் நடக்கின்றன
-
சில மூலபொருட்களும் அதை ஒன்றிணைக்கும் சக்தியும் சேர்ந்து ஒருபொருள்
உருவாகிறது.அந்த ஒன்றிணைக்கும் சக்தி இல்லாவிட்டால் பொருள் உருவாகாது.
மூலப்பொருள் காரியம், சக்தி காரணம் என அழைக்கப்படுகிறது.
‡
இந்த பிரபஞ்சம் காரியம், கடவுள் காரணம் .இதில் காரியமாகிய பிரபஞ்சத்தில்
காரணமாகிய கடவுள் சேர்ந்திருக்கிறார்.ஆன்மாக்கள் காரியம் இறைவன் காரணம்
என்றால் இறைவனே ஆன்மாக்களாகியுள்ளார்
‡
எனக்கு ஒரு உடல் இருக்கிறது.இந்த உடல் ஆன்மாவை மூடியிருக்கிறது.ஆன்மா
உடலுள் இருந்துகொண்டு உடல் வழியாக பிரகாசிக்கிறது.
‡
இந்த பிரபஞ்சம் இறைவனுக்கு உடல்போல் அமைந்துள்ளது. பிரபஞ்சம் ஒடுங்கும்போது
அது படிப்படியாக நுட்பமாகிறது.ஆனாலும் நுட்பமான சூட்சுமபிரபஞ்சம்
இறைவனுக்கு உடலாகவே இருக்கிறது.மீண்டும் சூட்சுமத்திலிருந்து தூலமாக மாறுகிறது
‡
நாம் தனித்தனியானவர்கள், ஆனால் இறைவனுள் நாம் அனைவரும் ஒன்றே.
நாம் எல்லோரும் அவருள் இருக்கிறோம். நாம் எல்லோரும் அவருடைய பகுதிகள்
‡
இந்தப் பிரபஞ்சத்தின் அடிப்படையாகிய எல்லையற்ற ஆன்மாவையே நாம் 
இறைவன் என்கிறோம்
--
சுவாமி விவேகானந்தர்

ஆன்மா: அதன் தளையும் முக்தியும் சொற்பொழிவின் முக்கிய கருத்துக்கள்

சுவாமி விவேகானந்தரின்- ஆன்மா: அதன் தளையும் முக்தியும் சொற்பொழிவின் முக்கிய கருத்துக்கள்
‡
நாம் ஒவ்வொருவரும் அந்த பிரம்மமாகிய உண்மையும் மாயையும் கலந்த கலவை.
மாயையிலிருந்து நம்மால் விடுபட முடிந்தால் நாம் உண்மையில் யாரோ அதுவாக
இருப்போம்
‡
குறிப்பிட்ட அளவு சக்தியும் குறிப்பிட்ட அளவு ஜடப்பொருளும் 
இணைந்தே உருவம் உண்டாகிறது.
‡
நமது உடலுக்கு ஓர் ஆரம்பம் உண்டு என்றால் ஒரு முடிவும் உண்டு.ஆன்மாவிற்கு ஆரம்பம்
இல்லாததால் அதற்கு முடிவும் இல்லை
‡
வேதாந்தத்தின் கருத்துப்படி உங்களுள்,என்னுள் என்று எல்லோருள்ளும் உள்ள ஆன்மா
எங்கும் நிறைந்தது
‡
நாம் செய்யும் ஒவ்வொரு செயலும்,நினைக்கும் ஒவ்வோர் எண்ணமும் நம் மனத்தில் ஒரு
பதிவை உண்டாக்குகிறது.அதை சம்ஸ்காரம் என்கிறார்கள்
‡
ஒவ்வொரு மனிதனும் தன் வாழ்வில் மனத்தாலும் உடலாலும் செய்ய செயலின்
பலனே குணம். ஒவ்வொருவரும் தன் குணத்தை தானே உருவாக்கிக்கொள்கிறான்.
‡
ஒருவன் இறக்கும்போது அவனது சம்ஸ்காரங்கள் இறப்பதில்லை. அவை மனத்துடன்
சேர்ந்திருக்கின்றன.மரணத்திற்கு பிறகு எங்கு செல்வது என்பதை இந்த சம்ஸ்காரங்களே
முடிவு செய்கின்றன
‡
பிராணன் என்று சொல்லப்படும் சக்திகள் ஒன்று சேர்ந்து ஜடப்பொருளிலிருந்து உடலையும்
மனத்தையும் உருவாக்குகின்றன. மரணத்தின்போது பிராணன் உடலை விட்டு வெளியேறி
வேறு ஜடப்பொருளிலிருந்து வேறு உடலையும் மனத்தையும் உருவாக்குகிறது
‡
மனம் அழிந்து தூள்தூளாகிச் சிதறி,சம்ஸ்காரங்களையும் விட்டுவைக்காமல்
போகும்போதுதான், நாம் பரிபூரண சுதந்திரம் அடைவோம்.
‡
நம்முடைய இப்போதைய பிறவி முற்பிறவியின் பலனே.இந்த உலகில் தற்போது நாம்
செய்யும் செயல்களே நமது அடுத்த பிறவியை நிர்ணயிக்கின்றன
‡
நம்மைப் பிறக்கச் செய்வது எது? நமது முன்வினைகள். நம்மை இவ்வுலகிலிருந்து 
வெளியே கொண்டுபோவது எது? இங்கே நாம் செய்யும் செயல்கள்
‡
இயற்கை ஆன்மாவின் முன் இயங்கிக்கொண்டிருக்கிறது. ஆன்மா அறியாமை காரணமாக
தான் இயங்குவதாகவும் இயற்கை நிலையாக இருப்பதாகவும் நினைக்கிறது. பூமி நிலையாக
இருப்பதாகவும் சூரியன் கிழக்கில் உதித்து மேற்கில் மறைவதாக நாம் தவறாக 
நினைப்பதுபோல்.
‡
மனிதனுக்கு ஆன்மா இருப்பதுபோல் மிருகங்களுக்கும் மற்ற எல்லா உயிர்களுக்கும்
ஆன்மா உண்டு.
‡
பிரபஞ்சம் முழுவதும் பிரம்மத்தில்தான் இருந்தது.அதிலிருந்து வெளிப்பட்டது.அது
எங்கிருந்து வெளிப்பட்டதோ, அதற்குள் அடங்குவதற்காகத்தான் இயங்கிக்கொண்டிருக்கிறது
‡
மனிதப்பிறவியே பிரம்மத்தை மிகவும் நெருங்கிய நிலையாகும்.
மனித பிறவியில் மட்டும் தான் ஜீவன் சுதந்திரம் பெற முடியும்.ஆகவே தேவர்களைவிட 
மற்ற மிருகங்களைவிட மனிதனே மிகச்சிறந்தவன்
‡
நாம் எந்த பிரம்மத்திலிருந்து வெளிப்பட்டடோமோ அந்த பிரம்மத்தை அடைவதற்கான 
முயற்சிதான் வாழ்க்கையின் பெரிய போராட்டம். அங்கே தான் நிலையான
அமைதி இருக்கிறது 
‡
முதலில் ஒரு சமநிலை இருந்தது .அது கலைந்துவிட்டது.எல்லா பகுதிகளும் எல்லா 
அணுக்களும் எல்லா மூலக்கூறுகளும் இழந்த தங்கள் சமநிலையை திரும்பப்பெறவே
போராடிக்கொண்டிருக்கின்றன
‡
ஆயிரக்கணக்கானோரில் ஏதோ ஒருசிலருக்குத்தான் தாங்கள் சுதந்திரம் 
அடைந்துவிடுவோம் என்ற விழிப்புணர்வு ஏற்படுகிறது.மற்றவர்கள் லெளகீக 
வி­யங்களிலேயே திருப்தி அடைகின்றனர்
‡
காரணகாரிய விதிகளின் பலனை முன்கூட்டியே அறிவும் திறன் உள்ளவர்களுக்கு,
இறந்தகாலம் மற்றும் எதிர்காலங்களைப்பற்றி துல்லியமாக சொல்ல முடிகிறது
‡
கடவுள் எதையும் விரும்ப முடியாது. விரும்பினால் அவர் கடவுளாக இருக்க முடியாது,
அவர் நிறைநிலையை அடையாதவராகத்தான் இருப்பார்.
‡
கடவுள் கோபம் கொள்கிறார்,கடவுள் இதனை விரும்புகிறார்,மகிழ்ச்சிகொள்கிறார் என்று
பேசுவது குழந்தைப்பேச்சு.அதற்கு பொருளே இல்லை.இதேபோல் செயல்படுபவர் கடவுளாக
இருக்க முடியாது
‡
ஒரு குழந்தை இந்த உலகத்தில் பிறக்கும்போது ஊர்ந்துகொண்டும் பல் இல்லாமலும்
பிறக்கிறது.உலகைவிட்டு செல்லும் கிழவனும் ஊர்ந்துகொண்டு பல் இல்லாமல் செல்கிறான்.
‡
நிறைநிலை பெற்ற மனிதர்கள் எதற்கும் ஆசைப்படுவதில்லை. ஏன்? ஆசைப்படுவதற்கு ஒன்றும் இல்லை
ஆசையற்ற நிலையே தெய்வநிலை
-
சுவாமி விவேகானந்தர்

ஞானயோகம் சாதனைப்படிகள் சொற்பொழிவின் சுருக்கம்

சுவாமி விவேகானந்தரின் ஞானயோகம்
சாதனைப்படிகள் சொற்பொழிவின் சுருக்கம்
--
கண்,காது போன்ற வெளிப்பொறிகள்.மூளையிலுள்ள
நரம்பு மையங்களான உட்புலன்கள் மற்றும் மனம்
இந்த மூன்றும் சேர்ந்தது புலனறிவு
‡
ஏதாவது சின்னம் இல்லாமல் நீங்கள் சிந்திக்க முடியாது.பார்வையற்றோர்கூட 
ஏதாவது ஓர் உருவத்தை ஆதாரமாகக் கொண்டுதான் சிந்திக்க முடியும்
‡
புலன் என்னும் சொல் மூளையில் உள்ள நரம்பு மையத்தையே குறிக்கிறது
என்பதை நீங்கள் நினைவில் கொள்ள வேண்டும்
‡
மனத்தை அடக்கவேண்டுமானால் முதலில் இந்தப் புலன்களை
அடக்க வேண்டும்.உள்ளேயோ வெளியேயோ மனம் அலையாமல் 
தடுக்க வேண்டும்
‡
நாம் பார்த்தவை,கேட்டவை,உண்டவை,நாம் வசித்த இடங்கள் இப்படி
புலன் விசயங்களை நினைப்பதிலேயே நம் வாழ்வின் பெரும்பகுதி
கழிந்துவிடுகிறது
‡
தன் மதத்திலும் இறைவனிடமும் எல்லையற்ற நம்பிக்கை ஒருவனுக்கு 
இருக்கவேண்டும்.நம்பிக்கை இல்லாதவன் ஞானியாக முடியாது.
‡
கடவுள் உண்டு என்று ஒருவனுக்கு நம்பிக்கை இருந்தால்,அந்த கடவுளை
அடைந்தால் பேரானந்தம் கிடைக்கும் எனறு தெரிந்தால்,அதை அடையாமல்
சும்மா இருப்பானா?
‡
ஒவ்வொரு நாளும் நாம் இன்பத்தின் பின்னால் ஓடுகிறோம்.ஆனால் நாம் அதை
அடையும் முன் அது மறைந்துவிடுகிறது.ஆனாலும் நாம் இன்பத்தை தேடி
ஓடிக்கொண்டேயிருக்கிறோம்.
‡
நாம் இன்பத்தை நோக்கிச் செல்லும் அளவிற்கு இன்பம் நம்மைவிட்டு 
விலகிப்போகிறது.இவ்வாறுதான் உலகம் செல்கிறது.வாழ்க்கை செல்கிறது
‡
இரவிலும் பகலிலும் நம்மைச்சுற்றி பலர் செத்துக்கொண்டே இருப்பதை 
நாம் பார்க்கிறோம்.ஆனாலும் நமக்கு மரணம் இல்லை என்று நினைக்கிறோம்
‡
இன்பமும் துன்பமும் ஒரு நாணயத்தின் இரண்டு பக்கங்கள் போன்றவை.
இன்பத்தை அனுபவிப்பவன் துன்பத்தையும் அனுபவித்தே தீரவேண்டும்
‡
துன்பத்தை நாடுவது மனிதனின் பெருமைக்கு குறைவானதுபோல் இன்பத்தை
நாடுவதும் அவனது பெருமைக்கு குறைவானது தான்.பகுத்தறிவுவாதி
இரண்டையும் நாடமாட்டான்
‡
செல்வந்தர்களில் பலபேர் பழைய இன்பங்களில் நிறைவின்றி புதுப்புது 
இன்பங்களை தேடி அலைகிறார்கள்.காலப்போக்கில் அனைத்து இன்பங்களும்
பழையவையாகிவிடுகின்றன
‡
கணநேரம் இன்பம் தருபவற்றை தேடி மக்கள் ஓடுகிறார்கள்.அவைகள் 
நரம்புகளை தட்டி எழுப்புகின்றன.அதன்பிறகு மிகப்பெரிய துன்பம் வருகிறது
‡
மக்களில் பெரும்பாலானவர்கள் முட்டாள்கள்.பிரபலமான ஒருவன் என்ன 
செய்கிறானோ, அதை அப்படியே பின்பற்றுகிறார்கள்.தாங்கள் செய்வது சரியா
என்பதை சிந்திப்பதில்லை
‡
எல்லா அறிவும் நமக்குள்ளேயே இருக்கின்றன.ஆன்மாவை மூடியிருக்கும் 
திரையை விலக்குவதன் மூலம் எல்லா அறிவையும் பெறலாம்
‡
உலகிலுள்ள எல்லா நூல்களையும் படிக்கலாம் ஆனாலும் கடவுள் பற்றி சிறிதும்
புரிந்துகொண்டிருக்க மாட்டோம்.ஆன்மீக பயிற்சி இல்லாமல் இறைவனைப்பற்றி
எதையும் அறிந்துகொள்ள முடியாது
‡
அறிவுப்பயிற்சிக்கு மட்டும் இடம்கொடுத்து, இதய உணர்ச்சிகள் விரிய இடம் 
கொடுக்காதது தான் மேலைநாட்டு கல்விமுறையின் தீமைகளுள் ஒன்றாகும்.
இந்த அறிவால் மனிதனின் சுயநலம் மேலும் பெருகியிருக்கிறது
‡
அறிவு நிறைந்து அதே நேரத்தில் இதய உணர்ச்சி இல்லாவிட்டால்,அவனால்
இறைவனை காண முடியாது.
‡
அறிவு நிறைந்த ஒருவன் மிகவும் கொடியவனாகவும் இருக்கலாம்.ஆனால் அறிவற்ற
இரக்கம்மிகுந்த ஒருவன் ஒருபோதும் கொடியவனாக இருக்க மாட்டான்.
‡
ஆன்மீகம் என்பது அன்பையும், இதய பண்பான எல்லையற்ற கருணையையும்
வளர்ப்பதற்கான பயிற்சி. இறைவனை அடைய ஒருவன் கற்றவனாக இருக்க
வேண்டிய அவசியமில்லை
-
நீங்கள் தூயவர்களா? நீங்கள் தூயவரானால் இறைவனை அடைவது நிச்சயம்
உலகிலுள்ள விஞ்ஞானம் அனைத்தும் தெரிந்திருந்தாலும் நீங்கள்
தூயவராக இல்லாவிட்டால் இறைவனை காண முடியாது
‡
பழைய கால இந்தியர்கள் தொலைநோக்கி,உருபெருக்கி,சோதனைசாலை
எதுவும் இல்லாமல் பல விஞ்ஞானத்தை படைத்தார்கள்.எப்படி? இதயத்தின் மூலம்
தான்.இதயத்தின் மூலம் பிரபஞ்ச ரகசியத்தை அறியலாம்
‡
தற்கால விஞ்ஞான வளர்ச்சியால் நடந்த நன்மை என்ன?சிலர் பலரை 
அடிமையாக்கி வாழ்கின்றனர்.ஒவ்வொரு ஏழையும் புதுப்புது பொருளை 
வாங்க போராடுகிறான் துன்புறுகிறான் முடிவில் அழிந்துபோகிறான்.
‡
விஞ்ஞான கண்டுபிடிப்புகளுக்கு செலவிட்ட ஆற்றலை மக்களை
தூயவர்களாக்குவதற்கு செலவிட்டிருந்தால் இந்த உலகம் 
இன்னும் இன்பமாகியிருக்கும்.
‡
இந்த உலகபொருட்களை அறிவது போல் இறைவனையும் 
பல்லாயிரம்பேர் கண்டிருக்கிறார்கள்.ஆனால் கண்களால் காணவில்லை.அது
ஐம்புலன்களையும் கடந்த காட்சியாகும்
‡
உண்மை ஆன்மீகம் என்பது ஐம்புலன்களை கடந்து சென்றபிறகு தான் வருகிறது
அப்போது இதுவரை மக்கள் காணாத பலவற்றை காண்போம்.கேட்காத பலவற்றை
கேட்போம்.இதுவரை உணராதவற்றை உணர்வோம்
‡
இறைவன் என்ற ஒரே பொது மையத்திலிருந்து தோன்றியவர்களே நாம் 
அனைவரும்.முடிவில் எல்லா உயிர்களும் தந்தையான இறைவனை 
அடைந்துதான்தீரவேண்டும்
---
இந்துமதம்- விவேகானந்தர் விஜயம்
--